Zëdhënësi i Lëvizjes Vetëvendosje, Arlind Manxhuka, ka reaguar ndaj akuzave se kjo parti po e shfrytëzon rastin tragjik në liqenin e Ujmanit për të lavdëruar Forcën e Sigurisë së Kosovës (FSK), e cila është angazhuar në operacionin e kërkim-shpëtimit.

Sipas Manxhukës, akuzat janë të pabaza dhe po vijnë nga të njëjtët që, sipas tij, vetëm pak ditë më parë përdorën tragjedinë për të sulmuar Vetëvendosjen.

“Tragjedia është fatkeqësi. Ekipet e FSK-së janë aty pikërisht për shkak të saj. Por fakti që për herë të parë Ushtria e Kosovës shkon në atë pjesë është ngjarje historike dhe si e tillë duhet të shënohet. Është tjetër gjë që Policia dhe Ushtria, për nga natyra e misionit të tyre, angazhohen kryesisht në ngjarje të rënda, jo në festa. Po të ndjekim logjikën e portaleve që e quajnë këtë “shfrytëzim”, atëherë s’do kishte kuptim as krenaria që ndjejmë për çdo akt heroik në historinë tonë”, tha ai./Arbresh.info